Районыбызның барлык хуҗалыклары да урып-җыю эшенә ныклап керештеләр

2021 елның 26 июле, дүшәмбе

Быел районда 29851 гектар мәйданда игеннәрне җыеп аласы бар, бүгенге көнгә шуның 6700 гектары (23 проценты) сугылган, амбарларга 11700 тонна ашлык кайтарылган. Иң зур мәйданны арпа культурасы били – 10942 гектар, арыш – 5134, язгы бодай – 4600, көзге бодай – 3210, борчак – 3039, солы – 2751, вика – 170 гектар мәйданда. Уртача уңыш район буенча хәзергә һәр гектардан 17,4 центнерны тәшкил итә. Иң зур уңыш Тимирязев исемендәге хуҗалыкта, һәр гектардан – 22,7, «Татарстан» хуҗалыгында – 20,2, «Кызыл юл»да - 19,6 центнер ашлык җыела. Район җирләрендә бөртеклеләрдән иң югары уңышны көзге бодай бирә.