ЯҢАЛЫКЛАР

Халыкара Өлкәннәр көне кысаларында Балтач “Наз” үзәгенең өйгә барып социаль хезмәт  күрсәту булекчәсендә төрле чаралар уздырыла.  Янгул җирлегендә социаль карамакта торучы өлкәннәргә социаль хезмәткәрләр өстәл артында очрашулар оештырдылар. Чәй табыныннан өлкәннәребез күңел күтәренкелеге белән таралыштылар.

   Халыкара Өлкәннәр көне кысаларында Балтач “Наз” үзәгенең өйгә барып социаль хезмәт  күрсәту булекчәсендә төрле чаралар уздырыла.  Социаль хезмәткәр Ленара Гарафетдинова һәм медицина хезмәткәре Алсу Саләхова социаль карамакта торучы Җәляловлар гаиләсенә чәй өстәле оештырдылар. Бу чара бик күңелле үтте.

         Әби-бабайлы кеше-бик бәхетле кеше!,дип белми әйтмәгәннәрдер борынгылар!... Чыннан да, өлкән буыннарыбыз булганда йорт та җылы, күркәм, алар белән тормышлар да көйле. Әби-бабайдан, гомумән, өлкәннәрдән тормышка көч, үрнәк һәм горурлык бөркелеп тора. Моның шулай икәнен 2 октябрь көнне Өлкәннәр көненә багышланган “Йортыбызның яме сездә!” дип исемләнгән музыкаль-тематик кичәбездә ачык күренде. Көек авылы хөрмәтлеләре бусагадан атлап кергәндә үк күңелле халәт хасил булды, чөнки аларны кадерле җимешләре оныклары каршы алды. Нәниләр белән куйган муз.номерлар, А.Алишның “Утлы йомарка” әсәрен сәхнәләштерү һәм азактан әбиләребез б.н  биеп алу да бик куанычлы булды. Иң сөендергәне авылыбзының иң өлкән кешесе Рауза апа Гараеваның катнашуы да иде. Чарабызны кадерлеләребезгә дип әзерләнгән өстәл тулы нигъмәт белән авыз иттереп тәмамладык.

Мирхәйдәр Фәйзинең тууына 125 ел тулу уңаеннан Түнтәр авыл китапханәсе “Галиябанулар бармы дөньяда?” исемле плакат-ачык трибуна бәйгесенә яшүсмерләр арасында сорашу уткәрде һәм җаваплар, фикерләр плакатка язылды. Китапханәбез авылыбыздагы урта мәктәп белән даими хезмәттәшлек итә. Сорашуны да иң элек югары сыйныфта укучы китап укучыларыбыз белән башладык. Алар бик теләп катнаштылар. Сорашуда 18-25 яшьлек китап укучыларыбыз да читтә калмады. Китапханәбез аларга рәхмәтен белдерә.