Бердәм салым түләү бары тик милек салымнарын гына түләргә мөмкинлек бирә
2018 нче елда Россия Федерациясе Салым кодексы 45.1 статьясы белән тулыландырылды, 2019 нчы елның 1 нче гыйнварыннан физик затларга милек салымнарын түләүне гадиләштерергә мөмкинлек бирүче бердәм салым түләү төшенчәсе кертелде.
Физик затның бердәм салым түләве-гражданин бер түләү поручениесе ярдәмендә Россия Федерациясе бюджет системасына ирекле рәвештә күчерә торган акчалар. Бу сумма физик затлар милкенә салым, транспорт һәм җир салымнарын түләү өчен Федераль казначылыкның тиешле счетына күчерелә.
Шунысын да билгеләп үтәргә кирәк, салым түләүчеләр тарафыннан элек декларацияләнгән физик затлар кеременә салым (НДФЛ) бердәм салым түләве ярдәмендә түләнергә тиеш түгел, аның ярдәмендә бары тик югарыда күрсәтелгән милек салымнарын гына түләргә мөмкин. Бердәм салым түләү ярдәмендә башка салымнар һәм җыемнар түләү каралмаган.
Исегезгә төшерәбез, физик затлар керемнәренә салымны Россия Федераль салым хезмәтенең «Салымнар, физик затларның иминият кертемнәре түләү», «Өченче затлар өчен салым түләү» һәм «Түләү документын тутыру», яки «Салым түләүченең – физик затның шәхси кабинеты» сервислары аша түләргә мөмкин.